БИШКЕК, 9-авг. — Sputnik. АКШнын Чикаго шаарында 8-августтан тарта Башкы консулдук иштей баштады. Бул тууралуу Кыргызстандын Тышкы иштер министрлиги билдирди.
Маалыматка караганда, зарыл ченемдик-укуктук базаны түзүүгө багытталган тиешелүү иштер, ошондой эле башка уюштуруу маселелери аяктады.
Башкы консулдук кыргызстандыктардын укугун жана мыйзамдуу кызыкчылыгын коргоо, жагымдуу шарттарды түзүү, экономикалык жана маданий кызматташтыкты кеңейтүү, АКШдагы кыргызстандыктарга консулдук кызматтарды көрсөтүү максатында ачылды.
Өкүлчүлүк 2022-жылдын 8-августунан тарта төмөнкү даректер боюнча иштей баштады:
100 N La Salle, Chicago, IL, 60602, Suite 1610.
Телефон: 312 994 2416
Тынымсыз байланыш линия: 312 929 3442
Электрондук почта: kgconsulate.chicago@mfa.gov.kg
Башкы консулдукка жакын жерде метро станциялары, аялдамалар, ошондой эле бир нече унаа токтотуучу жайлар жайгашкан.
Башкы консулдуктун округуна АКШнын Айдахо, Айова, Аризона, Арканзас, Вайоминг, Вашингтон, Висконсин, Гавайи, Иллинойс, Индиана, Калифорния, Канзас, Кентукки, Колорадо, Луизиана, Миннесота, Миссисипи, Миссури, Мичиган, Монтана, Небраска, Невада, Нью-Мексико, Огайо, Оклахома, Орегон, Түндүк Дакота, Теннесси, Техас, Түштүк Дакота, Юта штаттары кирет.
Консулдук кызматтарды көрсөтүү үчүн жарандарды кабыл алуу иш күндөрү (дүйшөмбү-жума) саат 09:00дөн 12:30га чейин жана 13:30дан 15:00гө чейин жүргүзүлөт.
Даяр документтер күн сайын (дүйшөмбү-жума) саат 15:00дөн 18:00гө чейин берилет.