БИШКЕК, 7-авг. — Sputnik. Алдыдагы аптада Баткен облусунда абанын эң жогорку температурасы 37 градуска чейин көтөрүлөт. Бул тууралуу Кыргызгидромет агенттиги билдирди.
Маалыматка ылайык, дүйшөмбүдө күн ачык болот, шейшембиде күндүз тоолуу райондордо өткүн өтөт, бирок дыйканчылык аймактарда жаан жаабайт.
Шаршембиде кээ бир аймактарда, бейшембиде тоолуу жерлерде өткүн өтөт.
Жума, ишемби жана жекшемби күндөрү жамгыр жаабайт, асман ачык болот.
Батыштан соккон шамалдын ылдамдыгы секундасына 4-9 метрге жетиши күтүлөт.
Жалпысынан алганда жума ичинде күндүн табы бирдей температурада сакталат.