БИШКЕК, 2-авг. — Sputnik. Ош шаарындагы Сай-Бою көчөсүндө спорт шаарчасы пайда болорун мэриянын маалымат кызматы билдирди.
Ага ылайык, калаа башчысы Алмаз Мамбетов "Алай" футбол клубунун кичи футбол аянтчаларынын курулушу менен таанышкан.
Спорт шаарчасы менен бирге шаарга 300 орундуу футбол академиясын ачуу пландалууда.
"Аталган аймакта спорт зал, воркаут аянтчасын салуу, үчүнчү кичи футбол аянтчасын куруу, спорттук кийим жана спорттук тамак-аш саткан дүкөндөрдү уюштуруу каралууда", — деп жазылат билдирмеде.
Ал эми академияда жаш футболчуларды даярдоо үчүн класстарды ачуу пландалып жатканы айтылды.