БИШКЕК, 2-авг. — Sputnik. Бишкек шаарынын мэри Эмилбек Абдыкадыров Россиянын Кыргызстандагы элчиси Николай Удовиченко менен жолугушту. Бул туурасында муниципалитеттин маалымат кызматы кабарлады.
Тараптар Бишкек, Москва, Санкт-Петербург шаарларынын жана Россиянын башка аймактарынын ортосундагы кызматташуу программаларын ишке ашыруунун жүрүшүн талкуулап, эки тараптуу кызматташтыкты активдештирүү зарылдыгын белгилешкен.
Өз кезегинде элчи Бишкек мэрине кызматташуу үчүн ыраазычылык билдирип, Россиянын шаарлары менен достук мамилелерди мындан ары өнүктүрүүгө кызыкдар экенин айткан.