БИШКЕК, 1-авг. — Sputnik. Министрлер кабинетинин төрагасы Акылбек Жапаров ТҮРКСОЙ эл аралык уюмунун башкы катчысы Султан Раевди кабыл алып, күзүндө Түркияда өтүүчү IV Дүйнөлүк көчмөндөр оюндарына даярдык көрүү жана аны өткөрүүгө байланыштуу уюштуруу иштерин талкуулашты. Бул тууралуу өкмөттүн маалымат кызматы кабарлады.
Билдирмеге караганда, жолугушууда Жапаров Раевди жогорку кызматка дайындалышы менен куттуктаган.
© Фото / пресс-служба кабинета правительства КР/ Эргеш Жусубалиев
Билдирмеге караганда, жолугушууда Жапаров Раевди жогорку кызматка дайындалышы менен куттуктаган.
"Иш тажрыйбаңыз ТҮРКСОЙго мүчө-мамлекеттердин ортосундагы маданий байланыштарды жана достук мамилени өнүктүрүүгө жана чыңдоого, чоң салым кошууга өбөлгө түзөт деп ишенем", — деди ал.
Тараптар ТҮРКСОЙдун ишмердүүлүгү жана келечектеги пландары боюнча пикир алмашкан. Ошондой эле уюмдун негизделишинин 30 жылдыгына карата 2023-жылы пландаштырылган иш-чаралар боюнча сүйлөшкөнү белгиленди.