БИШКЕК, 28-июл. — Sputnik. Токмокко жакын жерде, айланма жолдо маршрутка автокырсыкка кабылды. Бул тууралуу Чүй облустук жол кыймылы коопсуздугун камсыздоо башкы башкармалыктын маалымат кызматы кабарлаган.
Окуя бүгүн Бишкек — Нарын — Торугарт жолунун 59-чакырымында саат 12:40 чамасында болгон.
Автоунаанын Бишкекти көздөй бара жатып кырсыктаганы маалым болду.
"Арткы дөңгөлөгү жарылып кеткенден кийин микроавтобус оң капталына кулаган. Ал эми айдоочу аны башкара албай калган", — деп айтты маалымат кызматынан.
Авариянын кесепетинен эки жүргүнчү Токмок шаардык аймактык ооруканага кайрылган.