БИШКЕК, 26-июл. — Sputnik. Мындан 14 жыл мурда Токио шаарында көчөдө бара жаткан тургундарга кол салып, массалык түрдө адам өлтүрүүгө барган Томохиро Като бүгүн эртең менен өлүм жазасына тартылды. Бул тууралуу жергиликтүү NHK телеканалына шилтеме берип РИА Новости жазды.
Ал 2008-жылдын июнь айында Токиодогу Акихабара көчөсүндө бара жаткан кишилерди автонуаа менен тебелетип, андан соң ары-бери өткөндөрдү бычактап жүрүп отурган. Анын кесепетинен жети киши каза болуп, 10дон ашык адам жаракат алган.
Ошол кезде 26 жаштагы Катонун психологиялык оорудан жапа чекпегени аныкталган соң, сот аны массалык киши өлтүрүүгө күнөөлүү деп таап, өлүм жазасына тартылсын деп өкүм чыгарган. Төргөө учурунда ал жашоого кызыгуусу жоголуп кеткендиктен Токиого Сидзуока префектурасынан атайын киши өлтүрүү үчүн келгенин билдирген.
Япон юриспруденциясында өлүм жазасы адатта бир нече адамды өлтүргөн учурда колдонулат. Эл аралык укук коргоо уюмдары жазанын бул түрү гумандуу эмес экенин айтып, Япония өкмөтүнө аны токтотууга үндөп келишет. Бул өлкөдө соттолгон адам өлүм жазасын жылдар бою күтүшү мүмкүн. Бирок жаза качан аткарыларын өмүрү менен кош айтышар күнү эртең менен гана билет. Японияда өлүм жазасы асуу жолу менен ишке ашырылат.