БИШКЕК, 26-июл. — Sputnik. Улуттук банк криптовалютага инвестиция салуу тобокелдигин тизмектеп чыкты.
Буга массалык маалымат каражаттарында криптовалюталар жана виртуалдык активдердин аркасы менен байып кетүү боюнча маалыматтын таралышы себеп болгон.
Тобокелдиктер:
материалдык кепилдиктин жоктугу. Анткени, эреже боюнча, криптовалюталар/виртуалдык активдер үчүн эч ким жоопкерчилик тартпайт;
криптовалюталардын/виртуалдык активдердин реалдуу наркынын жоктугу. Алар көбүнчө кандайдыр бир валютага же башка активге байланган. Демек, алмашуу курсунун өзгөрүлмөлүүлүгүнөн улам наркын жоготуп алуу тобокелдиги өтө жогору.
"Криптовалюталар/виртуалдык активдер менен эсептешүүдөгү тобокелдиктер көзөмөл органдарынын жоктугу менен түшүндүрүлөт", — деп айтылат бидирүүдө.
Андыктан Улуттук банк аларга инвестициялоодо өтө сак болууга чакырат.