БИШКЕК, 26-июл. — Sputnik. Интернет айдыңына шаардагы балдардын оюн-зоок борборлорунун биринде болгон окуянын видеосу тарады.
Кадрдан көрүнүп тургандай, мушташа кеткен балдардын жанына эркек киши басып келип (балдардын биринин атасы болушу мүмкүн), бирок аларды ажыраткан эмес. Тескерисинче, жекеме-жеке чыгып мушташууга мажбурлаган. Ал эми чырды токтотууга аракет кылган кызды түртүп, орой мамиле жасаган.
Интернет-колдонуучулар Жанар деген киши ал кызды "өлтүрөм" деп коркутканын жана анын денеси көгөрүп калганын жазышууда.
Милиция окуя боюнча тактоо иштерин жүргүзүп жатат.