БИШКЕК, 25-июл. — Sputnik. Геморройдун келип чыгуу себептери жана оорунун кесепети тууралуу Sputnik Кыргызстан маалымат агенттигине Улуттук госпиталдын проктология бөлүмүнүн башчысы Ызакжан Бектенов түшүндүрүп берди.
"Геморрой ич катса дагы, ич өтсө дагы пайда болот. Мындан сырткары, кыймылдабай отуруп иштөө, оор көтөрүү жана туура эмес отуруу себеп. Мисалы, ширетүүчүлөрдүн жумушу оор. Столго отурбай эле иштешет, анан күч келип, геморрой түйүндөрү жаралат. Бейтаптар убагында келсе ооруну айыктырып коебуз", — деди проктолог.
Ошондой эле дарыгер геморройдо кан агууга маани берүү керектигин эскертти.
"Чоң заарага барганда кичинеден кан чыга берет. Ал коркунучтуу эмес деп жүрө бергендер бар. Бирок адамдын организми ага көнө берет. Анан бир убакта алы кетип, жүрөгү лакылдап, басканда деми кысылып кыйнала баштаганда кайрылат. Текшергенде каны бир топ эле азайып кеткен болот. Мындайча айтканда, адам кансыроого чейин барып жатат", — деди проктолог.
Адис геморройго жеткирген ич катуунун себебин да айтып берген.