Кыргызстандын фасолун Индияга экспорттоо пландалууда. Бул тууралуу Данияр Жанузаков Sputnik Кыргызстан радиосуна маек куруп жатып билдирди.
Анын айтымында, Индия тарап кызыгуусун айтып тийиштүү документтер даярдалууда.
"Кыргызстан сүт, картошка, мөмө-жемиштерди экспортко чыгарат. Жакында эле Индиядан кат келди. Ага ылайык, аталган өлкө Кыргызстандан фасоль жана бал алууга кызыкдар. Ошонун негизинде тийиштүү талаптарын алып, жер-жерлердеги фермерлерге жөнөттүк. Алар документтерди толтуруп беришсе фасоль менен балды Индияга экспорттой баштайбыз", — деди Жанузаков.
Ошондой эле ал мөмө-жемиштер ЕАЭБден тышкары үчүнчү өлкөлөргө да экспорттолуп жатканын кошумчалады.