БИШКЕК, 24-июл. — Sputnik. Ысык-Көлдүн Чолпон-Ата шаарында "Дүйнөлүк көчмөндөр модасы" аталышындагы фестиваль өттү. Бул тууралуу Маданият, маалымат, спорт жана жаштар саясаты министрлиги кабарлады.
Иш-чара Чолпон-Атадагы "Рух-Ордо" маданий борборунда болгон. Ага маданият министри Азамат Жаманкулов катышып, куттуктоо сөзүн сүйлөгөн.
Аталган фестивалга 20га чукул мамлекеттин атактуу дизайнерлери, кол өнөрчүлөрү, мода индустриясынын адистери катышкан. Моделдер кийимдерди көрсөтүп берген.
Министрлик долбоор мамлекет тарабынан колдоого алынганын айтты.