БИШКЕК, 22-июл. — Sputnik. Бишкектин четиндеги Аламүдүн айылында коомдук транспорттогу киши аны менен кошо бир салондо кетип бара жаткан адамга кол салды. Бул тууралуу Чүй облустук ИИББ билдирди.
© Фото / пресс-служба ГУВД Чуйской области
Милициянын маалыматына караганда, коомдук транспортто бара жаткан адам анын жүрүм-турумуна айтылган сынды көтөрө албай чуу чыгарган.
"Шектүү сын айткан кишини сабап, бычак менен төшкө сайган", — деди милициядан.
Жабыркаган адамга медициналык жардам көрсөтүлгөн. Ал эми сөз көтөрө албаган жаран кармалып, Кылмыш-жаза кодексинин "Бейбаштык" беренеси боюнча иш козголгон.