ЧОЛПОН-АТА, 21-июл. — Sputnik. Азербайжан бийлиги Борбор Азия мамлекет башчыларынын консультативдик жолугушуусуна катышууну эки ирет өтүндү. Бул тууралуу президент Садыр Жапаров Чолпон-Атадагы жыйын учурунда айтты.
Ал Азербайжандын келерки отурумга ардактуу конок катары катышуу туурасындагы суранычын кабарлаган.
"Алар бүгүнкү жолугушууга да катышууга каалоосун билдиришкен. Бирок алдын ала жүргүзүлгөн консультациялар азырынча консенсус жок экендигин көрсөттү. Урматтуу кесиптештер, андыктан эгерде каршылык жок болсо бул маселени карап чыгып, бизге дипломатиялык каналдар аркылуу маалымат берүүнү министрге тапшыралы", — деди Жапаров.
Анын сунушуна президенттердин эч кимиси каршы чыккан жок.