БИШКЕК, 20-июл. — Sputnik. Кыргызстанга Казакстандын президенти Касым-Жомарт Токаев келди. Бул тууралуу өкмөттүн маалымат кызматы кабарлады.
Белгилүү болгондой, Токаев 20-21-июлда Ысык-Көл облусунун Чолпон-Ата шаарында өтө турчу Борбор Азия мамлекет башчыларынын консультативдик жолугушуусуна катышат.
"Жогорку даражалуу конокту министрлер кабинетинин төрагасы Акылбек Жапаров "Ысык-Көл" эл аралык аэропортунда тосуп алды", — деп айтылат маалыматта.
Президенттердин консультативдик жолугушуусунун алкагында бир катар документтерге кол коюу, ошондой эле эки тараптуу жолугушууларды өткөрүү пландалып жатат.