БИШКЕК, 19-июл. — Sputnik. Бишкекте айрым көчөлөрдө жол тыгыны жаралат. Мэриянын маалымат кызматынын билдиргенине таянсак, 20-июлдан тарта Орозбеков көчөсүнүн Түгөлбай ата көчөсүнөн Бөкөнбаев көчөсүнө чейинки бөлүгү жабылат.
"Бул учурда айдоочулар Раззаков жана Панфилов көчөлөрү менен каттап турса болот", — деп жазылат маалыматта.
Бирок Токтогул көчөсү бир тараптуу болгондуктан кечкисин ансыз деле жол тыгыны жаралууда. Себеби Бөкөнбаев көчөсүнүн Орозбековдон Панфилов көчөсүнө чейинки бөлүгү 7-июлдан 30-августка чейин жабык.