БИШКЕК, 13-июл. — Sputnik. Sputnik Meedia ресурсунун мурдагы кызматкери Елена Черышева РИА Новостиге эстон соту анын үйүн жана Sputnik Meedia редакциясынын мурдагы кеңсесин тинтүүнү мыйзамсыз деп аныктагандыгын билдирди. Бул тууралуу РИА Новости жазды.
Эстон бийлиги апрелде Черышеваны тынчтыкка каршы кылмыш жасады жана эл аралык санкцияларды бузду деген шек менен кармаган. Кийинчерээк аны эч жакка чыкпайсың деген шарт менен коё берген.
Соттун 7-июлдагы чечиминен кийин окуялардын хронологиясы белгилүү болду. Тагыраагы, 5-апрелде мамлекеттик прокуратуранын мамлекеттик прокурору Таави Перн тинтүү жүргүзүүгө уруксат берген. Эртеси Черышеваны кармап, үйүн тинтип, күйөөсүн Sputnik Meedia редакциясынын мурдагы кеңсесин текшериш үчүн алып кеткен. 16 сааттан соң журналистти тергөө абагына киргизишкен.
"Прокуратура 8-апрелде Харьюск уездинин сотунун алдын ала тергөө судьясына тинтүү жасаганга мүмкүнчүлүк берген ордерди жана ал иштер негиздүү болгондугу таанылган кошумча документтерди жөнөткөн. Судья тинтүүгө болбойт деген. Сот маалыматты журналисттик максатта алып, жазууга байланышкан ишмердүүлүк менен алектенгендерге тинтүү соттун алдын ала тергөөсүнөн кийинки токтому же соттун чечиминин негизинде гана жүргүзүлөрүн тактады", — деп билдирген Черышева.
Анын айтымына караганда, 12-апрелде прокуратура Таллиндик аймактык сотуна Харьюск уездинин 8-апрелдеги чечими боюнча арызданган, бирок Таллин соту аны өзгөрүүсүз калтырган.
Марттын башында эстондук Sputnik Meedia маалыматтык порталы эстон бийлиги менен банктарынын кысымынан, чектөөлөрүнөн, кызматкерлерине жасалган коркутуп-үркүтүүлөрдөн улам ишин токтоткондугун жарыялаган.
Ошентип мурдагы Sputnik Эстониянын мурдагы кызматкерлеринен түзүлгөн Sputnik Meedia төрт жыл иштегенден кийин, эки жарым жыл мурда, эстон полициясынын опузалоосунан улам жабылган.