БИШКЕК, 13-июл. — Sputnik. Бишкекте үч маршрутканын каттамы бир аз өзгөргөнүн мэриянын маалымат кызматы билдирди.
Ага ылайык, кээ бир маршруткалардын каттамы жол оңдоо иштерине байланыштуу убактылуу өзгөргөн.
Эми №106 маршрутка жаңы конуштан кичи райондорду көздөй бара жатканда Жаманбаев көчөсү аркылуу Айтматов көчөсүнө чыгат. Ал эми кичи райондордон жаңы конуштарды көздөй каттаганда мурдагыдай Айни көчөсү аркылуу өтөт.
№192 маршрутка буга чейин Дордой-2 жаңы конушуна чейин эле жүрсө, эми анын каттамы айланма жол, Ибраимов жана Эмгекчил көчөлөрүнө чейин узартылган.
№135 маршрутка оңдоо иштери аяктаганга чейин Ак-Марал, Ак-Таң, Күйүкова, Чортеков жана Жайыл баатыр көчөлөрү аркылуу өтүп турат.