БИШКЕК, 12-июл. — Sputnik. Ош шаарындагы №5 тергөө изолятору оңдоло баштады. Бул тууралуу Жаза аткаруу кызматы маалымдады.
Билдирмеге караганда, биринчи кезекте ички канализация жаңыланууда.
"Мекеме эскилиги жеткен, советтик мезгилден калган чоюн түтүктөр менен жабдылган. Көп жылдан бери үзгүлтүксүз иштегендиктен, системанын айрым жерлеринде түтүктөр чирип кеткен. Саркынды акырындап дубалга сиңе баштаган", — деп айтылат маалыматта.
Учурда оңдоо иштери жүрүп жатканы кошумчаланды.