БИШКЕК, 11-июл. — Sputnik. Кыргызстанда кесиптик орто окуу жайларына тандоо жана кабыл алуу 12-июлда башталат. Бул тууралуу Билим берүү жана илим министрлигинин маалымат кызматы кабарлады.
Билдирмеге караганда, кесиптик орто окуу жайларга кабыл алуу үч турдан турат. Ал 12-июлда башталып, 19-августка чейин созулат. Окуу жайларга кабыл алуу 2020.edu.gov.kg бирдиктүү порталы аркылуу онлайн жүргүзүлөт.
Кесиптик орто окуу жайларга тапшыруунун тартиби менен толук Билим берүү министрлигинин сайтынан тааныша аласыздар.