БИШКЕК, 10-июл. — Sputnik. Кыргызгидромет агенттиги алдыдагы аптага карата аба ырайы тууралуу божомолун таратты.
Ага ылайык, Бишкек шаарында дүйшөмбүдө күндүзү өткүн өтөт, шейшембиде жаан жаабайт. Ал эми шаршембиде асманды ала булут каптап турат, жамгыр жаашынын ыктымалдуулугу аз. Андан кийин бейшембиден ишембиге чейин күч ачык болот.
Чүй облусунун аймагында 11-14-июль күндөрү өткүн өтөрү айтылды. 15-16-июлда күн толук ачылат.
Талас облусунда 11-13-июлда өткүн өтүп басылат. Андан соң жума аягына чейин жамгыр жаабайт.
Ош облусунда бул апта ичинде кээ бир тоолуу райондордо өткүн өтөт, бирок дыйканчылык аймактарда, өрөөндөрдө күн ачык бойдон турат.
Жалал-Абад облусунда 11-13-июль күндөрү тоолуу жерлерде өткүн болот, 14-16-июлда жаан-чачын күтүлбөйт.
Баткен облусунда 11-12-июлда жамгыр жаабайт, 13-июлда күндүн көзү бузулуп кээ бир райондордо өткүн өтөт. 14-июлда кайра күн ачылып, ысык апта соңуна чейин созулат.
Ысык-Көл облусунда 11-12-июлда көпчүлүк аймактарда, 13-16-июлда кээ бир райондордо өткүн өтөт.
Нарын облусунда жамгыр жаабайт, бирок апта ичинде кээ бир аймактарда өткүн өтүп басылат.