БИШКЕК, 9-июл. — Sputnik. Украинада Кыргызстанда туулган дагы бир жоокер — Мирлан Тохтакунов (РФ жараны) баатырларча курман болду. Бул тууралуу Россиянын Кыргызстандагы элчилиги кабарлады.
Маалыматта анын Россиянын Куралдуу күчтөрүнүн катарында келишимдик негизде кызмат өтөп жүргөнү айтылды.
Россиянын Кыргызстандагы элчилиги Тохтакунов аскердик тапшырма аткаруу учурунда көз жумганын билдирүүдө.
Белгилей кетсек, Украинадагы атайын операция учурунда буга чейин теги кыргызстандык аскерлер: Эгемберди Дорбоев, Рустам Зарифулин, Исламжон Камилов, Сыргакбек Өзүбеков, Адилет Алиев каза таап, сөөгү мекенинде жерге берилген.