Курман айттагы эң сооптуу амал курмандык чалуу болуп саналат. Мындай шарт жаратканга жакындоо дегенди билдирет. Бул тууралуу Самидин Атабаев Sputnik Кыргызстан радиосунда маек куруп жатып билдирди.
Анын айтымында, Курман айт — жакындарга зыярат кылып, кедей-кембагалга жардам берип, жакшы сөз арнай турчу күн болгондуктан мусулмандар арасында бул күндүн мааниси чоң.
"Курман айттын негизги жөрөлгөсү — курмандык чалуу. Анткени ал дүнүйөбүзгө береке кошуп, күнөөлөрдүн кечирилише жол ачат. Мусулмандар үчүн Курман айт берекелүү майрамдардын бири. Жакындарга зыярат кылып, кедей-кембагалга жардам берип, ата-энебизге белек берип, жакшы сөз арнай турчу күн. Өлкөдө Курман айт майрамы быйыл 9-июлда белгиленет. 30-июнь Зул Хижжа айынын биринчи күнү болгондуктан, 8-июль арапа күнү деп белгиленди. Кыргызстандын мусулмандар дин башкармалыгынын буйругу менен Курман айт майрамынын маанилүүлүгү республиканын бардык мечиттеринде жеткирилип, жалпы жарандарга маалымат берилип жатат", — деди Атабаев.
Ошондой эле кары зекет бере турган инсандарга курмандык чалуу милдет болуп эсептелсе, колунда жокторго, жаш балдарга, акыл-эси кем адамдарга курмандык чалуу милдеттүү эместигин кошумчалады.