БИШКЕК, 8-июл. — Sputnik. Эртең борбор калаада Курман айт намазы окуларына байланыштуу бир катар көчөлөр убактылуу жабылат. Бул туурасында Бишкек Кайгуул милициясынын маалымат кызматы билдирди.
Ага ылайык, таңкы саат 04:00дөн 08:00гө чейин төмөнкү көчөлөрдө автоунаа жолу жабылат:
Чүй проспектинин Тоголок Молдодон тарта Тыныстанов көчөсүнө чейинки бөлүгү;
Фрунзе көчөсүнүн Тоголок Молдодон тарта Тыныстанов көчөсүнө чейинки бөлүгү;
Тыныстанов менен Абдумомунов көчөлөрүнүн кесилиши;
Логвиненко, Панфилов, Орозбеков, Тыныстанов көчөлөрүнүн Чүй жана Фрунзе көчөлөрү менен кесилишкен жерлери.
Кайгуул милиция айдоочуларга жогорудагы көчөлөргө автоунааларды токтотпоого чакырат.
Белгилей кетсек, эртең Курман айт намазы калаанын эски аянтында окулат.