БИШКЕК, 7-июл. — Sputnik. Саламаттык сактоо министринин орун басары Бүбүжан Арыкбаева коронавирус боюнча өлкөдөгү кырдаалга токтолуп, чектөө чаралары кайсы учурда киргизиле турганын айтты.
"Азырынча чектөө чараларын киргизүүгө эрте. Анткени "жашыл" зонадабыз. Бирок ооругандардын саны өсүп бара жаткандыктан атайын топ иштеп баштады. Коронавирус боюнча республикалык штабдын жыйыны пландалууда. Ал жерден эки жумага карата алдын ала божомол айтылышы мүмкүн", — деген Арыкбаева.
Республикалык штаб коронавирус жуктурган жаңы учурлар боюнча күнүмдүк статистика кайрадан бериле баштай турганын маалымдады.