БИШКЕК, 6-июл. — Sputnik. АКШ акча, "союздаш" делген кол алдындагыларын жана акыркы үлгүдөгү курал-жарагын колдонуп өз эркин таңуулаганга көнүп бүткөн. Бул тууралуу РФ Коопсуздук кеңешинин жетекчисинин орун басары Дмитрий Медведев билдиргенин РИА Новости жазды.
Аткаминер Telegram-каналында "Россияны жазага тартууну" ким демилгелеп жатат деген суроонун айланасында ой жүгүрткөн.
"Баарынын башында турган өлкө белгилүү. "Чыныгы демократия" демиш болуп дүйнөнү кыйратууга аракет кылып келет. Акчаны, кеп-сөз кайрый албаган союздаш вассалдарын жана акыркы үлгүдөгү курал-жарагын пайдалануу менен өтө орой түрдө өз эркин таңуулай алат", — деп жазган Медведев.
Ал өз сөзүндө АКШнын катышуусу менен жүргөн көп сандагы кандуу кагылышууларды да эскере кеткен.