БИШКЕК, 4-июл. — Sputnik. Вашингтон Россия менен Ирандын Жакынкы Чыгыштагы "чагымчыл жана кооптуу" кадамдарына түйшөлүп турат. Бул туурасында The Washington Post АКШ администрациясынын өкүлдөрүнө таянып жазды.
Басылма июнда америкалык бийлик, Пентагон өкүлдөрү Россия менен Ирандын аймактагы кадамын "чагымчылдык жана ырбатуучулук" же "чагымчыл жана коопсуз эмес" аракеттер деп мүнөздөгөн бир нече учурлар болгонун айткан.
Гезиттин маалыматына караганда, алардын бир мисалы Сириянын аба мейкиндигинде россиялык аскерлер мамлекеттин ортосундагы деконфликтинг (эки тараптын аскерлеринин капыстан кагылышын алдын алуу) механизмдеринде каралбаган маневрларды кылып, АКШнын авиациясына кооптуулук жасаган дешкен. Ал арада Washington Post АКШнын Куралдуу күчтөрү "айткан нерселерин тастыктоо үчүн кошумча деталдарды берүүдөн баш тарткандыгын" жазды.
Башка мисал катары басылманын маектеши Ат-Танф аскер базасынын чет жакасындагы АКШ колдогон согушкерлердин лагерин бомбалаган июндагы учурду эске салган. Маалымат булактары америкалык аскерлерге бул туурасында россиялыктар 35 мүнөт мурда кабарлаганын айтышкан. Америкалык аскерлерден эч ким жабыркабагандыгына карабай, Вашингтон Москванын бул кадамынан "АКШ аскердик жооп кылбайт деп аймакта үстөмдүк кылуу аракетин" көргөнү айтылган.
Ак үй мындай "чагымчыл" кадамды Иран да кылып жатат деп күнөөлөгөн.
АКШнын Куралдуу күчтөрү Сириянын түндүгү менен түндүк-чыгыш аймагындагы Дейр-эз-Зор, Эль-Хасака жана Ракка провинцияларын мыйзамсыз көзөмөлдөп турат. Ал жерлерде Сирия боюнча мунай жана газ кендери жайгашкан. Расмий Дамаск өзүнүн аймагында америкалык аскерлердин оккупация кылып, мунайды уурдоо максатында мамлекеттик каракчылык иштерин жасап жатканын айтып келет.