БИШКЕК, 3-июл. — Sputnik. Украинадагы жаңжал НАТО өлкөлөрүнүн ортосуна бүлүк салып гана тим болбосотон, альянстын мүчөлөрүн үч лагерге бөлүп койду. Бул туурасында британиялык Sunday Times гезити жазды.
Басылма НАТО ичинде бөлүнгөндөрдү "карчыгалар", "көгүчкөндөр" жана "төө куштар" деп атаган.
"Карчыгаларга" Украина Донбасс менен Крымды өз көзөмөлүнө алып гана токтоп калбай, Россия кийин коңшу өлкөлөрүнө коркунуч жарата албай тургандай кылып катуу сокку уруш керек деп эсептегендер кирет. Гезит бул категориядагы альянсын мүчөлөрүн атаган эмес, бирок Польша өкмөтүнө жакын делген аты-жөнү айтылбаган аналитикке таянып жазууда.
"Көгүчкөн" өлкөлөр, басылманын пикири боюнча, Россия менен Украинанын ортосунда кырдаал тынчтык жолу менен жөнгө салынышын кубаттайт. Алар Крым, ДЭР жана ЛЭРдин алган макамына макул болуп, Россиянын аскер күчтөрүн 24-февралга чейинки позициясына чыгарып кетишине макул. Бул контекстте Скандинавия өлкөлөрүнүн аты аталбаган чиновнигинин пикири жазылган. Ал мындай келишим адилетсиз болушу мүмкүндүгүн, бирок практика ушуну көрсөтүп жатканын айткан.
Sunday Times "төө куштар" өлкөлөрүнө ички көйгөйлөргө көбүрөөк көңүл бурган НАТОнун мүчөлөрүн киргизди. Алар альянстын документтерин колдойт, ошол эле учурда каршылык азыраак көрсөтүлө турган жолдорду издешет. Гезит "төө куштарга" Европанын түштүк жагындагы мамлекеттерди кошкон.
Басылма "альянстын ичиндеги келишпестиктер НАТОнун аскер контингентин Украинанын батышындагы шаарларга — ракеталык соккуларды кармоо үчүн фронттун линиясынан алыс жайгаштыруу идеясы таш капканы себеп болду" деп жыйынтыктаган макаланы.