БИШКЕК, 3-июл. — Sputnik. Караколдо "Татулык" коомдук бирикмесинин жана Россиянын Кыргызстандагы элчилигинин колдоосу менен сабантуй улуттук майрамы өткөрүлдү. Бул туурасында Россиянын дипломатиялык өкүлчүлүгү маалымдады.
Иш-чарага шаар мэриясынын өкүлдөрү жана Татарстандан келген чыгармачыл топтун артисттери катышты. Келген коноктор үчүн концерт, көңүлдүү конкурстар, викториналар жана жарманке уюштурулду. Ошондой эле Караколдун тургундары спорттук мелдештерге дагы чыгышкан.
Сабантуй — татар жана башкырлардын жазгы талаа иштеринин бүтүшүнө арналган, жыл сайын өтчү элдик майрамы.