БИШКЕК, 30-июн. — Sputnik. Россия Батыштын “чабуулуна” адекваттуу жооп катары жакын союздаштары менен кызматташууну кеңейтүү керек. Бул тууралуу Россиянын тышкы иштер министри Сергей Лавровго шилтеме берип РИА Новости жазды.
“Батыштын “чабуулуна” адекваттуу жооп катары эң жакын союздаштарыбыз жана пикирлештерибиз менен ынтымагыбызды бекемдейбиз. Мисалы, ошол эле ЖККУ, Евразиялык экономикалык биримдик, КМШ алкагындагы кызматташуулар күч алат”, — деди ал.
Эске салсак, Лавров Россия менен Беларустун ортосундагы дипломатиялык мамилелердин 30 жылдыгына карата Минскиге иш сапары менен барды. Бүгүн эртең менен ал өлкө президенти Александр Лукашенко менен жолуккан. Ал жолугушууда дагы союздаш өлкөлөр арасында кызматташтыкты илгерилетүү боюнча сөз болгон.