БИШКЕК, 29-июн. — Sputnik. Ысык-Көлдө 14 жана 19 жаштагы эки бала сууга чөгүп каза болгонун ӨКМ кабарлады.
Ага ылайык, Жети-Өгүз районунун аймагындагы Липенка айылынын тушунда көлгө балдар чөгүп кетти деген маалымат түшкөн.
Жалпысынан жети куткаруучу тартылган. Алар балдардын сөөгүн саат 18:20лар чамасында таап, ИИМ кызматкерлерине жана туугандарына өткөрүп беришкен.
Каза болгон эки бала Жети-Өгүз районунун Ырдык айылынын тургундары экени айтылды.