БИШКЕК, 29-июн. — Sputnik. АКШ президенти Жозеф Байдендин "Чоң жетиликтин" саммитинин алкагында өткөн Испан королунун кабыл алуу салтанатында буйдалып туруп калган учуру социалдык тармакка тарап кетти.
Ал кадрларды RT өзүнүн Тelegram каналына койду.
Байден отургучтун жөлөнгөн жагын кармап, эки жакты карап, столдун үстүнөн көзү менен бир нерсе издеп, бир саамга буйдалып туруп калгандыгы кадрга түшүп калган.
Акыркы учурда АКШ президентинин адаттан тыш нерселерди жасап алган видеолорун ЖМКлар көп жарыялай баштады.
Буга чейин Байдендин өзүн эл алдында кантип алып жүрүүсү керектиги боюнча көрсөтмөлөр жазылган кагазды капысынан коомчулукка көрсөтүп алганын жазып чыгышкан.