БИШКЕК, 28-июн. — Sputnik. РФ президенти Владимир Путин Тажикстандын башчысы Эмомали Рахмон менен сүйлөшүүлөрдү жүргүзүү үчүн Душанбеге барды. Бул тууралуу РИА Новости жазды.
Өлкө жетекчилери эки тараптуу кызматташууну өнүктүрүү, чек арадагы коопсуздукту камсыздоо боюнча пикир алмашып, Афганистандагы абалды талкуулашат.
Путиндин жардамчысы Юрий Ушаков буга чейин журналисттерге билдиргендей, лидерлер соода-экономикалык жана маданий-гуманитардык тармактарга, аскер жана аскердик техникалык кызматташуу жаатына көңүл бурушмакчы.
"Путин менен Рахмон аймактык күн тартипке байланыштуу башка дагы маселелерди талкуулашы мүмкүн. Ошондой эле Тажикстандын ЕАЭБге мүчө болуп кириши боюнча дагы маселе көтөрүлүшү ыктымал", — деген Ушаков.
Бул ушуну менен президенттердин быйылкы жыл эсебинен экинчи жолугушуусу болмокчу. Биринчи жолу Москвада 16-майда өткөн ЖККУнун юбилейлик саммитинде көрүшкөн. Президенттер алты ирет телефон аркылуу сүйлөшкөн.