БИШКЕК, 25-июн. — Sputnik. Автоунаанын маңдайкы терезесин талкалап интернет айдыңына тараган видеодогу эки уланды милиция тапты. Бул тууралуу Чүй облустук ички иштер башкы башкармалыгынын маалымат кызматынан кабарлады.
Окуя Бишкек шаарынын четинде болуп, анын видеосу 23-июнда социалдык тармактарга тараган.
Тартип сактоо кызматкерлери аларды таап милиция бөлүмүнө жеткирген. Бири 18, экинчиси 23 жаштагы жигит болуп чыкты. Видеодо бирөө айдоочунун, шериги бейбаштын ролун аткарган. Милиция алардын видеосун жарыялады.
Жигиттер погончондорго бул пранк болгонун билдирип, коомдук тартипти бузгандыгы үчүн кечирим сурашкан.