БИШКЕК, 21-июн. — Sputnik. Шаршембиде өлкөнүн кээ бир райондордо өткүн өтүп, күн күркүрөшү, бийик тоолуу аймактарда кар жаашы мүмкүн. Бул тууралуу Кыргызгидромет маалымдады.
Ага ылайык, батыштан соккон шамалдын ылдамдыгы секундасына 4-9 метрден кээ бир райондордо 15-20 метрге жетет.
Абанын температурасы Чүй, Ош, Жалал-Абад, Баткен облустарында +28...+33, Талас жергесинде +25...+30, Ысык-Көл, Нарын аймагында +22...+27 градус болору айтылды.
Термометрдин көрсөткүчү Бишкекте +31...+33, Ошто +30...+32 жана Чолпон-Ата шаарында +23...+25 градуска жетет.