Украинанын Коопсуздук кызматынын экс-подполковниги Василий Прозоров Мариуполь аэропорту жана "китепкана" деп аталган жашыруун түрмөнүн азыркы абалы тууралуу видеоэкскурсия дардаган. Бул туурасында РИА Новости билдирди.
2022-жылдын март айында Донецк Эл Республикасы аэропортко көзөмөл кыла баштаган. 2014-жылы аба майдандын терминалында Украина ИИМинин Днепетровскиден чыккан "Днепр" ыктыярчылар батальону жайгашкан.
Прозоров аба майдандын сөз болуп жаткан жерлерин кыдырып, алардын 2014-2015-жылдары ДЭРдин тарапташтары менен ыктыярчыларды ал жерге алып келип кыйнаган камераларды көрсөттү.
Кадрга эшиги өтө калың болгон муздаткыч камералардын талкаланган, ичтери сыйрылган көрүнүшү тартылган. Муну экс-подполковник "кармалгандар кандайдыр бир издерди, далилдерди калтыргандыгы менен байланыштырууга болот" деген.
Аталган кыйноо жайы туурасында Бириккен Улуттар Уюмунун Коопсуздук кеңешинин бейформал жыйынында да көтөрүлгөн.
Бириккен Улуттар Уюмундагы Россия өкүлчүлүгүнүн укуктук секциясынын башчысы Сергей Леонидченко бул конкреттүү борбор зордуктоо жана "китептерди" өлтүрүү үчүн колдонулган, тагыраагы, улутчулдар Киев режимине лоялдуу карабайт деп шектенген, ал жерде кармалып турган жай жарандарды ушинтип аташкандыгын айткан.
"XXI кылымда кыйноо борборлорунун болушу чындыгында эле акылга сыйбайт. Мариуполь аэропортунда Украинанын Коопсуздук кызматынын жашыруун кыйноо борбору бар экендиги боюнча фактылар менен берилген далилдер жана күбөлөрдүн көрсөтмөлөрү бар. Ал Мариуполду улутчулдардын "Азов" батальону ээлегенден кийин 2014-жылы түзүлүп, бетпактык менен "китепкана" деп аталган", — деген анда Леонидченко.
Россия Украинадагы атайын операциясын 2022-жылдын 24-февралында баштаган. Президент Владимир Путин "ал Киев режими тарабынан сегиз жыл бою кордолуп-мазакталып, геноцидге кабылгандарды коргоо максатын көздөйт" деген. Өлкө башчынын айтымында, Донбасстагы "тынч жашоочуларга жасаган кандуу кылмыштары" үчүн "Украинаны демилитаризациялап жана денацификациялап", аскер кылмышкерлерин сотко бериш керек.
РФтин Коргоо министрлиги билдирүү жасап, Куралдуу күчтөр соккуну аскердик инфраструктура жана аскердик күчтөргө уруп жаткандыгын, 25-мартта негизги тапшырманын биринчи этабын аткаргандыгын, тагыраагы, Украинанын согуштук мүмкүнчүлүгүн азайткандыгын билдирген. Алар башкы максат Донбассты бошотуу экендигин айтышкан.