БИШКЕК, 16-июн. — Sputnik. Россиянын Башкыртстан Республикасында Бүткүл россиялык балдар жана жаш айтуучулардын сынагы өтүп, анда калыстар тобун манасчы Талантаалы Бакчиев жетектейт. Бул тууралуу "Манас" жана Чыңгыз Айтматов улуттук академиясынан билдиришти.
Иш-чара 16-17-июнь күндөрү болот. Фестивалды Башкыртстандын Маданият министрлиги, "Элдик чыгармачылык республикалык борбору" жана "Сэсэндер борбору" уюштура турганы кошумчаланды.
Белгилей кетсек, Талантаалы Бакчиев — манасчы, "Манас" жана Чыңгыз Айтматов улуттук академиясынын президенти, КР маданиятына эмгек сиңирген ишмер, филология илимдеринин доктору.