БИШКЕК, 14-июн. — Sputnik. АКШ Украинадагы атайын операциянын фонунда антироссиялык санкциялар ашыкча болуп калышы мүмкүн деп тынчсызданууда. Бул туурасында РИА Новости АКШнын финансы министринин орун басары Уолли Адейемонун айтканына таянып жазды.
Аткаминер бул туурасында конгресстин жыйынында сүйлөп жатып айткан.
"Россиядагы түзүмдөр жана жеке адамдарга АКШ эле миң санкция салыптыр", — деп белгилеген ал.
Россия 24-февралда Украинага карата атайын операцияны баштаган соң ага жооп катары Батыш өлкөлөрү Москвага катар-катар санкцияларды салган. Алар биринчи иретте банк секторуна жана жогорку технологиялуу продукцияларга кесепетин тийгизиши керек дешкен. Кремль аны буга чейин болуп көрбөгөндөй экономикалык согуш деп атады. Бийлик мындай сценарийге мурдатан эле даярдангандыгын айтып, социалдык милдеттенмелер мурдагысындай эле аткарыла берерине ишендирген.
Логистикалык чынжырчанын бузулушу АКШ менен Европада экономикалык көйгөйлөрдү жаратты. Алар күйүүчү майдын кымбатташына жана андан улам пайда болгон азык-түлүк инфляциясына кабылды. Америка биринчилерден болуп россиялык мунайды сатып алуудан баш тартып, Евробиримдиктин ага үндөш кадамын кош колдоп кубаттай турганын билдирген.
АКШда майдын жыйынтыгы менен инфляция 8,6 пайызга жетти. Бул — 1981-жылдын декабрь айынан берки рекорддук көрсөткүч. Бензиндин баасы да тарыхта биринчи ирет 10-июнга карата бир галлонуна (3,7854 литр) беш доллардан өйдө чыкты.
Федералдык резервдик система инфляциядан улам 50 базисттик пунктуларга базалык пайыздык ченди 0,75-1 пайызга жогорулаткан.
Демократия институтунун директору Патрик Бэшем АКШнын жарандары конгресс шайлоосунун алдында Россияга Байдендин администрациясы киргизген санкцияларды активдүүлүк менен колдобой жаткандыгын билдирген. Ал бийликтин ички көйгөйлөрдү чечүүгө көңүл бөлүшү зарылдыгын айткан.
Жүргүзүлгөн сурамжылоого ылайык, Ак үйдүн башчысынын рейтинги 36 пайызга чейин түшүп кетти. Бул — анын башкаруу мезгилиндеги эң төмөнкү деңгээл. Өкмөт санкцияларга каршы туруу үчүн жүзгө чукул демилгени камтыган атайын план даярдаган. Финансылоо көлөмү орто эсеп менен алганда триллион рублди камтыйт. Россия лидери Владимир Путин РФти алсыздандырып айласын кетирүү Батыш өлкөлөрүнүн узак мөөнөттүү стратегиясы экендигин, ал эми санкциялар дүйнө экономикасына олуттуу сокку ургандыгын баса белгилеген. Анын айтымына караганда, азыркы окуялар Батыштын дүйнөгө саясатта да, экономикада да басым кылган позициясынан тайдыра баштады.