БИШКЕК, 13-июн. — Sputnik. Бишкекте катуу шамалдан улам дарак кулап, анын кесепетинен кыз жабыркаган. Бул тууралуу "Бишкек жашыл чарба" ишканасы билдирди.
Бишкекте катуу шамалдан улам дарак кулап, анын кесепетинен кыз жабыркаган
© Фото / пресс-служба МП "Бишкекзеленхоз"
Маалыматка караганда, окуя Абдрахманов менен Московский көчөлөрүнүн кесилишинде болгон.
"Ишкананын жетекчилиги кыздын ата-энеси менен жолукту. Анын дарылануусуна кеткен акчаны "Бишкек жашыл чарба" төлөп берет. Ата-энеси доосу жок экенин билдирди", — деп айтылат маалыматта.
Белгилей кетсек, "Бишкек жашыл чарба" ишканасынын кызматкерлери бак-дарактарды бутап, куурап калгандарын кыйган. Жолго токтоп турган машиналар көп болгондуктан ишкананын кызматкерлери атайын техника менен барып кооптуу бак-дарактардын бардыгын жок кылууга жетишпей калганы айтылган.