Бул Азия кубогунун квалификациялык экинчи туру болду. F тайпасынын оюндары Бишкекте өтүп жатат
Күндүн каарманы Виктор Майер болду. Ата мекендик команданын чабуулчусу биринчи бөлүктө эки гол киргизип, эсеп оюндун акырына чейин сакталды
Оюнду көргөнү президент Садыр Жапаров министрлер кабинетинин мүчөлөрү менен келди. Бүгүн өлкө башчысын биринчи айым Айгүл Жапарова коштоп келген
Экинчи голго сүйүнүп жаткан Виктор Майер менен жарым коргоочу Гүлжигит Алыкулов
Беттештин башкы арбитри индиялык адис болду. Футболчуларга ойноого мүмкүнчүлүк берип, болгону бир сары карта менен чектелди
Экинчи тайм деле биринчи бөлүктөн көп айырмаланган жок. Топ негизинен кыргызстандыктарда болду
Гол киргизе турган көп эле мүмкүнчүлүк болду, бирок аны ишке ашыруу кыйынчылык жаратып жатты
Кыргызстан командасынын капитаны Валерий Кичин башы менен узаткан топ дарбазага киргени менен голкиперди түртүп жибергени үчүн эсептелбей калды
Сингапур менен болгон беттеште КР командасы камбэк көрсөттү эле, мында күйөрмандар таза жеңишке күбө болушту
Кыргызстандын куржунунда эми алты упай бар. Тажикстан да ушунча упайга ээ. Үчүнчү турда Кыргызстандын командасы Тажикстандын футболчулары менен кез келет. Дал ушул оюнда чындап жеңүүчү аныкталат