БИШКЕК, 11-июн. — Sputnik. Букмекерлер кыргызстандык Валентина Шевченкону бразилиялык Тайла Сантос менен болчу беттеште фаворит деп эсептешүүдө.
UFC турнири эртең, жекшемби күнү, Сингапурда өтөт. Шевченко башкы беттештердин биринде жетинчи ирет чемпион макамын коргомокчу.
Fonbet букмекердик конторасы төмөнкүдөй коэффициенттерди белгилеген: кыргызстандык спортчунун жеңишине — 1,15, ал эми бразилиялык мушкерге — 5,8. "Марафонбет" дагы башкачараак эсептесе да жеңишти Шевченкого ыйгарууда: 1,146 жана 5,7. Белгилей кетсек, коэффициенттик көрсөткүч канчалык төмөн болсо, жеңүү ыктымалдуулугу ошончо жогору болот.