БИШКЕК, 10-июн. — Sputnik. Ысык-Көл облусунда эки автоунаа сүзүшүп, кесепетинде төрт киши каза болду. Бул тууралуу Өзгөчө кырдаалдар министрлигинен кабарлашты.
Ысык-Көл облусунда эки автоунаа сүзүшүп, кесепетинде төрт киши каза болду
© Фото / пресс-служба МЧС КР
Жол кырсыгы Балыкчы — Ананьево — Каракол унаа жолунун 98-чакырымында, тагыраагы, Комсомол айылында саат 05:55тер чамасында болгон. Жүк ташуучу Volvo жана Volkswagen Passat үлгүсүндөгү жеңил автоунаа кагышкан.
"Каргашанын кесепетинен үч эркек менен бир аял каза болду. Алардын аты-жөнү такталууда", — деп айтылат билдирүүдө.
Жерине Ысык-Көл райондук ӨКМ бөлүмүнүн төрт куткаруучусу тартылып, сөөктөр автоунаадан чыгарылды. Кырсыктын чоо-жайы такталып жатат.