БИШКЕК, 10-июн. — Sputnik. Украинанын түштүк тарабынын бошотулушу жана транспорттук каттамдардын жабылышы Крымга транзиттик аймак статусун алып келди. Бул тууралуу республиканын башчысынын маалымат саясаты боюнча кеңешчиси Олег Крючковго шилтеме берип РИА Новости жазды.
Буга чейин Крым менен Запорожье облусунун ортосунда Украина сегиз жыл мурда үзгөн жүк ташуучу темир жол байланышы кайра жанданган. Херсон облусу менен темир жол байланышын калыбына келтирүү да пландалууда. Ошол эле учурда Крым менен бошотулган аймактардын ортосунда жүк ташуулар башталды.
"Мындан ары Украина тараптан транспорттук блокада болбойт. Эми Крымда эки транспорттук артерия бар: чыгышында Крым көпүрөсү жана түндүгүндө бөгөлбөгөн авто жана темир жол. Мунун аркасы менен Крым биринчи жолу транзиттик аймак статусуна ээ болду", — деди Крючков.
Атайын операция учурунда Россия аскерлери Украинанын түштүгүндөгү Херсон облусун жана Запорожье облусунун Азов бөлүгүн көзөмөлгө алды. Аймактарда аскерий-граждандык башкармалыктар түзүлүп, рубль жүгүртүүгө киргизилди. Россиялык телеканалдар менен радиостанциялар көрсөтүлө баштады. Ал эми Крым менен соода байланышы калыбына келтирилүүдө. Бул аймактар Россиянын составына кирүү ниетин билдиришти.