Бүгүнкү күндө европалыктардай эле француз коомчулугун Россия Украинада жүргүзүп жаткан атайын аскердик операциянын жүрүшү эмес, континенталдык Европа өлкөлөрүндө жер которуп кеткендердин, көпчүлүгү баш паанек алган качкындардын тагдыры да эмес, "мунун баары качан бүтөт?" деген собол түйшөлтүүдө. Елена Караеванын дал ушул жагдайга арналган макаласын РИА Новости жарыялады.
Россиянын баш ийгенин көргүсү келген Батыш РФтеги азыркы реалдуулукка айран таң калууда. Алардын максаты башка эле, бирок өздөрү казган орго өздөрү түшүп бараткандай.
Эл аралык энергетикалык агенттиктин жетекчиси Фатих Бирол: "Жай мезгили жаңырып, бул маалдагы сапарлардын саны арткандыгынан улам дизель, бензин жана авиациялык керосин таңсыктыгына кабылышыбыз ыктымал", – деди.
Кымгуут түшчүдөй болуп калган, ошентсе да прогресс жана демократияга ынанган коомчулуктун көңүлүн жайгаруу үчүн дароо: "Жакынкы үч айда учак, автомобиль үчүн май боюнча көйгөй жаралбашы керек, себеби запас бир кварталга кепилденген", – деген билдирүү жасалды.
Өткөн кылымдын отузунчу жылдарындагы улуу депрессия жетимишинчи жылдары да аягы дурус чечилген ыйык баяндай туюлчу. Ал эми бүгүн кыйла прогрессивдүү коомчулук үчүн каатчыл кырдаал тозоктой эле болсо керек. Быйыл күздө электр энергиясын маал-маалы менен өчүрүү да катаал реалдуулукка айланышы ыктымал.
АКШ жана Европада пандемия убагында эмне болгону баарынын эсинде. Канча өлүмгө кептегени да белгилүү. Ковид өлкөлөрдөгү баарын алаканга жайгандай ачык көрсөтүп койгон. Европадагы геосаясий каатчылыктын курчушу да чечим кабыл алчу менменсингендердин да абалын ашкерелеп койду.
Алар Россиянын жакырчылыкка батышын көрүүнү кыялданышкан. "Атып түшүрүлгөн учкучтар" отрядындагы айрым орунсуз каармандар Батыштагы саясатчыларды РФте коомчулук бириндеп, олку-солкулук күч деп ынандырышкан. Россиялык коом бирдиктүү болуп чыкты. Ким анын принциптерин коргоп, ким принцип жана баалуулуктар менен соодалашууга даяр экенин дароо эле аңдаган.
Геосаясий каатчылык Европа менен АКШга эмне алып келгенин көрүп, дагы эмнелерге кептээрин түшүнө баштаган, Россияга каршы өзүнүн санкциялык согушунан өзү чарчап бүткөн жамааттык Батыш мурдагы текебердигин сактап калууга тырышууда. Анткен менен жай болсо да риторикасын алмаштырганына күбөбүз. Согуштук аракеттердин аякташынан кеп козгоп, ал тургай азыркы курч кырдаалдан дээрлик залал тартпастан чыга турган өлкөнү да атаган Макрон сымал...