БИШКЕК, 5-июн. — Sputnik. Азия кубогу-2023 тандоо турнирине катышуу үчүн F тайпасындагы Тажикстандын улуттук курама командасы Бишкекте биринчи машыгуусун өткөргөнүн Кыргыз футбол союзу кабарлады.
Коңшу өлкөнүн спортчулары борбор калаага 3-июнда келген. Машыгууга бардыгы болуп 25 оюнчу катышты, бирок белгилүү болгондой, акыркы тизмеге 23ү гана кирет.
Эскерте кетсек, Кыргызстан менен Тажикстандын курама командалары 14-июнда кез келишет. Ага чейин улуттук команда сингапурлук (8-июнь) жана мьянмалык (11-июнь) атаандаштары менен ойнойт.
Футболдук беттештер Дөлөн Өмүрзаков атындагы стадиондо саат 20:00дө башталат.