БИШКЕК, 4-июн. — Sputnik. Бишкекте милиция дайынсыз жоголгон Перизат Кубанычбек кызын издеп жатат. Бул тууралуу Свердлов райондук ИИБдин маалымат кызматы кабарлады.
31-майда милицияга Эне жана баланы коргоо борборунун башчысы кайрылган. Анын айтымында, борбордо тарбияланган 17 жаштагы кыз 30-май күнү саат 21:30дар чамасында уктаганга кеткен. Бирок эртең менен ордунда жок болуп чыккан. Анын жүргөн жери азыркыга чейин белгисиз.
Белгилери: бою 155-160 сантиметр, арыкчырай, көзү күрөң, чачы өтө узун эмес.
Перизат тууралуу маалыматы барларды милиция (0704) 10-31-02, (0500) 26-02-50, (0708) 50-00-21, (0706) 51-51-54, (0500) 43-28-15 номерлери аркылуу кабарлап коюуну өтүндү.