БИШКЕК, 3-июн. — Sputnik. Жалпы республикалык тестирлөөгө катышкандар анын жыйынтыгы боюнча сертификатты 27-июндан 4-июлга чейин алышат. Бул тууралуу Sputnik Кыргызстан агенттигине Билим берүү жана илим министрлигинин маалымат кызматы кабарлады.
Эске салсак, өлкөдө ЖРТ 24-майдан 28-майга чейин өткөн. Бирок айрым мектеп жана колледждин бүтүрүүчүлөрү белгилүү бир себептер менен ага катыша албай калгандыктан, тестирлөө кошумча 24-25-июнда да болот.
"27-июндан 4-июлга чейин бардык бүтүрүүчүлөр, анын ичинде кошумча этапка катышкандар дагы сертификаттарын алышат", — деп жазылат маалыматта.
ЖРТ жыйынтыгын онлайн билүүгө мүмкүн эмес. Балл сертификаттын өзүндө гана жазылуу болот.