БИШКЕК, 3-июн. — Sputnik. РФтин Коопсуздук кеңешинин төрагасынын орун басары Дмитрий Медведев Al Jazeera басылмасындагы маегинде "Россия дүйнөлүк азык-түлүк кризисин жаратты" деген айыптоолор негизсиз экенин билдирди.
Ал белгилегендей, планетадагы азык-түлүк жаатындагы абал беш-жети жыл мурда эле ар кандай себептер менен начарлап кеткен, ал эми бүгүнкү күндө Батыштын санкцияларынан улам абал ого бетер курчуду.
"Алар ошол эле буудайды жеткирип турушубузду каалап жатат. Аны эмне камап коюшту беле? Мындай болушу мүмкүн эмес да", — деди Медведев.
Анын айтымында, дүйнөдөгү азык-түлүк боюнча абалды жакшыртуу үчүн санкциялардан баш тартуу керек. Ошондо гана баалар төмөндөйт.
Украинанын кампаларында турган буудай данына токтолгон орун басар бардык жолдорду "миналардан" тазалаш керектигин айтты.
"Биз бул дан азыктарынын сыртка ташылышына эч кандай тоскоолдук жараткан жокпуз. Киев бийлиги колундагы келишимдерге ылайык, деңиз жана кургак жол аркылуу жөнөтө берсин", — деди Медведев.