БИШКЕК, 2-июн. — Sputnik. Токмок шаарында үч окуучуга чагылган тийип, 13 жаштагы бир кыз көз жумду. Бул тууралуу Саламаттык сактоо министрлиги кабарлады.
Окуя бүгүн, 2-июнда, №3 мектептин жанында болгон.
Чагылгандан жабыркаган 13 жаштагы дагы бир кыз менен 17 жаштагы эркек бала Токмок аймактык ооруканасына жеткирилген. Алар жандандыруу бөлүмүндө, абалдары туруктуу деп бааланууда.