БИШКЕК, 2-июн. — Sputnik. Нарында 47 жаштагы киши топурак басып калып каза болду. Бул тууралуу ӨКМдин маалымат кызматы кабарлады.
Билдирмеге караганда, окуя Нарын районунун Жерге-Тал айыл аймагына караштуу Кара-Чий айылында болгон.
"47 жаштагы Н.А. аттуу киши үйүнө суу киргизүүгө жер казып жаткан учурда топурак басып калып каза болгон. Куткаруучулар жеткенге чейин жергиликтүү тургундар сөөгүн чыгарып Тез жардам кызматына өткөрүп беришкен", — деп жазылат маалыматта.
Жерине ӨКМдин үч куткаруучусу тартылганы кошумчаланды.